Meri Jung

ye jung hai apni kisi begaane ki nahi
ye jung hai imtehaano me khud ko aazmaane ki
khud ki parakh karke khud ko apni nazroo me uthane ki
ye jung hai apni galtiyoo ko sudharne ki

 

ab tak jee rhe the, jungloo me bhatakte
ab takat aayi hai sapna sach kar dikhani ki
ab zarurat hai arjun ko pratyancha chadhane ki,
abhimanyu ko chakravyuuh tod bahar aane ki

 

behakaane k liye duniya,sawaarne k liye bus kuch
ab zarurat hai unhi kuch ko pehchanne ki
teer k us paar jaa bhaithe panchi ko
ab zarurat hai apne gharaunde wapas aane ki

ek jeevan chand saanse aur ek baar aankhe moondna
yahi kahani chalti aayi hai is kathor zamane ki
par ab ye jung hai kuch naya kar dikhane ki

 

ye jung hai apni, kisi begaane ki nahi
ye jung hai meri khud se, duniye se nahi
ye jung hai khud kuch kar dikhane ki
khud sawarke khud ko saabit kar pehchaan banane ki